La llingua de les xanes ( Asturiano)

Nel so pueblu, solo Nela conoz la llingua de les xanes, y quiciás nin con eses puea descifrar un gran misteriu: les vaques d’alredor enfermen y tiemblen y marchen. Ye entós cuando Nela sal a buscar un remediu, topándose, pel camín, con otros seres mitolóxicos —l’home llobu, el pataricu, el cuélebre, la llavandera—. ¿Ayudaránla, entre toos, o quedrán engañala? ¿Y si Nela nun fuera más qu’una neña? Una «guaḥa fantasiosa» a quien nengún  adultu creye.

· Pablo Fraile Dorado (Xixón, 1985; anque ser, ye de Mieres). Escritor y periodista, principió como autor con Nueve cuentos azules (2017) y, depués de dos años, asoleyó Arón el Gaturratón y Tigre va de gala.
· Paula de la Fuente Atienza (Xixón, 1996). Diseñadora gráfica ya ilustradora, depués de llograr la so Maestría en Dibuxu, participó en festivales d’arte y diseñu y nel desarrollu de proyeutos editoriales underground. Güei trabaya como diseñadora.